第207期台灣教師聯盟會務通報

◎台中海洋之聲拜六暗7-9點「紅樹林ê讀冊聲」節目主持人只有Iàn-lîm kap會長，林銘毅老師下學期拜六暗有課，無法繼續，希望請林明慧kap許洲朗兩位老師，修完碩士學位會tàng轉來繼續主持。

◎為beh（欲）推銷1萬本思相起台灣手冊，會長到嘉義、台南、高雄等地去開記者會，感謝林瑞霞老師、李文正議員kap南社鄭正煜社長ê協助，更感謝林瑞霞老師，她siöng捧場，助印500本，李文正議員mā助印一箱。另外到彰化扶輪社演講，參加活力旺理監事會，到高雄參加228關懷總會年會，到台北參加21世紀婦女聯合會合唱團，lóng有bē-bái ê「業績」。拜訪熟-sāi ē醫師、教授kap朋友，mā有未少人捐款助印，其中以鹿港葉醫師上支持，伊當場開36000khoo支票，買300本。推銷手冊成績上差ê是拜訪11位彰化縣議員服務處，送足濟手冊出去，suah只有賴岸璋議員一人助印。

◎會長12/10去北一女參加教育部主辦的「98年度普通高國文科課程綱要（草案）公聽會」，發言反對高中國文科文言文比率上限提升至65%。2009年12月24自由時報有刊出，請看不顧台生死活。

◎12/11到立法院前參與抗議開放美牛進口，執政者無顧lán ê死活，咱愛自救。

◎12/17會長去雲林科技大學參加第一場「開放中國學歷採認kap中生來臺就學規劃kap配套措施公聽會」，12/23到台北市立大學參加第17場最後一場，要求教育部加辦非上班上課時間ê公聽會，教育部雖然加辦三場公聽會，但予lán料著，根本無誠意，無宣傳，隔兩工就辦，予咱袂赴通反應，無法度動員khah濟反對ê人去發聲。

◎12/19台教會募款餐會，咱聯盟訂半桌，因為是愛 ka-kī出錢，本來只有會長kap溫貴琳校長兩人參加，感謝新進盟員周伯玉老師tshüa伊兩位教師友人來，才勉強tàu足 5人。

◎12/20抗議江陳會談的遊行前，出發會場台中市中港路kap民權路口青紅燈kha，停一台3100cc大驕車，車頂無人，但車已反鎖無法度入去，he是林慧美老師ê車，天才司機是會長，因頭一次囝仔兄駛大車，毋知影suah R檔當做P檔，所以落車後它自動鎖tiâu，實在是hàm-kóo。Hit工遊行，聯盟有8人參加，Iàn-lîm、彥宏、藝臻、杏芬、慧美、立勛iah有台南ê鄭新贊老師。

◎12/21若淇上班途中höo計程車撞著，送去三軍總病院就醫，會長佇彰化接到電話，sûi連絡台北ê溫校長，溫校長沒îng，會長趕緊koh tshüe三總對面ê環保聯盟，請in ê秘書長卓翰去關心協助處理，後來校長mā請張禎賢老師趕去探訪，佳在傷勢無大，hit工就請若淇轉厝靜養。

◎12/25會長kap公民監督國會聯盟中部辦公室高嘉君醫師，去太平市邀請兩黨立委補選ê候選人參加參選政見辯論會。28日去大里市瑞和宮參加立委補選辯論會提問。1/8去豐原拜訪台中縣警察局，請警方派警力保護lán隔日ê選舉觀察團活動。晚時去觀察兩位補選立委ê造勢晚會。9日kui工作選舉觀察。10日去豐原選舉委員會前開選舉觀察團ē觀察結果記者會。

◎1/7會長kap南社鄭正煜社長等人去台東助選。記者會後，李元和、謝曉香老師夫婦捐予聯盟10000元，聽講in佇台東鹿野鄉龍田村輔導畢業ê學生，經營蝴蝶生態園kap民宿，非常成功，以後聯盟辦活動又koh加一ê好所在。

◎1/15若淇代表聯盟去立法院參加反地制法ê記者會。

◎八田與一讀書會共舉辦過6次，參加的人數有25人，ē一次是1/29暗時6點半開始，歡迎大家tàu相報，相招來參加。

◎1/17溫校長、宏昌、春益、焯卿、啟程、昭容和彥宏lóng去台中辦公室幫忙整理辦公室ê冊kap物件，希望辦公室liöng早整理好還予宏昌老師，感謝多年來宏昌老師提供tsiah-nih好ê辦公室予聯盟使用。

◎1/17佇台中辦公室召開理監事會，通過國立三重商工蔡正彥老師、信義國中沈倉澤老師kap成功高中張禎賢老師加入聯盟，mä通過繼續beh出版2011年記事本。

◎2/28早時9點聯盟beh佇台北市台大校友會館召開二二八座談會，邀請二二八基金會前執行長楊振隆先生前來批判馬統如何消費二二八，歡迎盟員參加。