◎10月14聯盟佇立法院參南社合開「饒了學生吧」記者會，反對高中文言文教材上限提升到65％。
◎10月16暗時7點半佇台南縣新化綠谷西拉雅有舉辦一場「綠谷西拉雅星光音樂會」，由西拉雅族ONINI竹音樂團kap頌音樂團同齊表演，前任秘書小姐李弦mä有參加頌音樂團表演。新化口碑教會萬正雄長老表示Siraya族雖然台灣政府現此時無承認in原住民ê身分，但是in無放棄，會繼續推展西拉雅文化，höo西拉雅語文復活。
◎會長參加搶救國家聯盟319鄉鎮公民行動，台灣經濟真相－－吹泡泡記錄片首映，聽崑濱伯講農民遇天災受損，會kā希望寄託佇下一季，若ECFA簽完就沒希望ā，永遠沒下一季通寄望ā，聽了令人心酸。
◎10月17秘書長Koeh Iàn-lîm老師代表聯盟參加「南瀛之美圖畫冊學術研討會」。台南縣政府感覺現時台灣囝仔冊大部分是進口翻譯冊，為著無愛höo台灣囝仔kan-tann看tsia ê外來冊，台南縣政府自1999年相連續出版39本南瀛之美圖畫冊。Tsia ê圖畫冊以故事為底，囝仔是主體，透過台南縣在地民間信仰（膽小鬼放蜂砲、十二婆姐、少年西拉雅）、物產（玉井芒果的秘密、甘蔗的滋味、愛上蘭花）、手工藝術（編織的幸福）、風景地點（牛墟、烏山頭水庫、鴒鴿上青天）等等，背後ê策劃人是蘇振明教授，tsia原汁原味ê台灣圖畫冊非常適合佇國小推動繪本教育，有興趣ê盟員會tàng直接kap蘇教授連絡，電話是0937900737。
◎10月20佇立法院開紹介2010記事本ê記者會，邀請立委蔡同榮出席。會長參王富美老師去寶島新聲拜訪賴靜嫻總經理，伊真有魄力，送lán出版2010記事本5萬廣告費。
◎10月21早時10點半秘書長Koeh Iàn-lîm老師佇山腳國小進行台灣字教學演示，參加ê老師來自卓蘭、後龍、通霄kap苑裡四鄉鎮ê台語現職教師。Iàn-lîm老師套用華語「照樣造句」ê方式來教囝仔書寫台灣囝仔詩，höo囝仔有機會以台灣話來創作、思考，mä höo現場觀看ê老師思考台灣話教學ê問題。參加老師ê心聲kap問題kah佇通報，請盟員參考，mä歡迎盟員提供意見höo Iàn-lîm老師。溫校長佮會長有去山腳國小參觀燕霖老師ê教學演示。暗時閣去快樂聯播網上素華ē節目，談本土教育ê問題。
◎10月22會長去參加公民監督國家聯盟佇立法院ê內政委員會評鑑。
◎10月23會長拜訪台灣心會、核四公投吳建國，參加北社ê各社團聯誼，恭賀昭姿當選社長。
◎10月24、25會長、溫校長、丁妹等老師參加立法院前ê老年革命軍、台灣守護隊、台灣紅十字會成立訓練。Lán捐45本2010記事本做經費。
◎10月24是陳福田老師娶sin-pu ê大好日子，咱聯盟佇tsia恭喜陳福田老師趕緊做阿公哦！
◎10月25「台灣烏腳病之父」王金河醫師去台南縣關廟鄉新豐教會做見證分享。王金河醫師雖然已經94歲，但是氣力原在真好，當伊講起kap謝緯醫師、孫理蓮女士同齊為烏腳病患者醫療ê故事表情真激動，伊講做上帝國ê事工越做越歡喜，伊表示beh koh繼續做。秘書長Koeh Iàn-lîm老師ê小弟郭茂進有創作一篇「愛佇烏腳病」，Iàn-lîm老師kä翻寫作台文版，代表教師聯盟送höo王醫師，王醫師收著真歡喜。
◎10月28下晝1點半 Koeh Iàn-lîm老師邀請前衛出版社社長林文欽先生來苗栗縣山腳國小演講，題目是「悅讀台灣」。林社長對台灣人ê看冊習慣感覺真無奈koh悲哀，尤其台灣人自2000年以後看冊ê比率tö ná像tshut石lu käng款，伊愈講是愈怨嘆。雖然大環境無好，不過林社長phah斷手骨顛倒勇，伊beh作台灣憨牛，按算beh出「台灣經典寶庫」100本，希望一月推一本，一年至少10本，以10年時間完成。咱聯盟mä是台灣ê憨牛，台北辦公室tui 11月初6（拜五）暗六點半至八點半有【看 水色嘉南－－八田與一傳】讀冊會，敬請盟員踴躍參加，同齊悅讀台灣。秘書長Iàn-lîm老師mä佇苗栗縣山腳國小kap學校ê人事主任柯鈺祥先生推動老師讀冊會，11月beh讀ê冊是【側寫王金河】，作者是林雙不，有興趣讀【側寫王金河】ê盟員請來苗栗縣山腳國小。
◎10月29丁妹老師代表聯盟出席台聯募款餐會。
◎10月30台南市李文正議員佮亮夫老師協助會長佇台南市議會開記者會，宣傳2010記事本，李議員真熱心，閣真有誠意，留一箱囥伊ê服務處欲tàu賣。會長拜訪教會公報社總編輯方嵐亭牧師，拜託教會公報幫忙刊登廣告。新樓書房mā接受lán寄賣。閣再去府城舊書店寄賣20本。
◎10月31會長去參加人本募款餐會，閣去快樂聯播網上李川信老師主持ê公投護台灣節目。
◎針對27號自由時報報導教育部合作社höo民間補習業者擺攤做生理，會長10月28有發一篇新聞稿，教育部ê回應kah佇通報，請盟員參考。
◎「八田來了！」「八田來了！」Tsit 齣電影是描寫Hatta Yoichi起烏山頭水庫ê故事，11月13開始佇台北（今日、信義威秀、欣欣、百老匯）、新竹威秀、高雄威秀、台中德安、台南威秀戲院演出，監製是石黑昇，製作公司是日本「北國新聞社」kapてづか おさむ（手塚治虫）設立ê「虫製作公司」，主題曲演唱歌手是台裔歌手一青窕，關心Hatta Yoichi ê盟員千萬m˜通miss tsit齣電影。詳細電影資訊請看http://seed.agron.ntu.edu.tw/hatta/comes%20hatta.pdf
◎11月初2會長去彰化國聲廣播電台接受訪問。
◎11月初4會長去參加彰化活力旺的理監事會，宣傳2010紀事本。
◎11月初6會長去台中辦公室搬白板、單槍投影機、腳踏車來台北辦公室，閣去拜訪樹林桃子腳國中小李惠銘校長。辦公室舉辦讀書會，有14人參加。
◎11月初8會長去北社佮南社、台灣綠盾等社團開會，討論美國牛進口問題，結論是lán毋通被引導去反美。下晡反賄選行動，去國民黨中央黨部門口giú布條，抗議靜坐反賄選，喊口號：『馬英九有種，重辦賄選』！
◎11月14理監事會kap盟員海角七號之旅行程表kah佇通報，感謝黃春益老師熱情導覽，亦感謝與會者黃馨嬋、林身振、蔡瑞美、林寶枝四人捐款5,000元於聯盟。
◎11月28拜六舉行18年來第一次募款餐會，下午6：30，餐券1000元，共20桌，地點：海霸王北區旗艦店(北市中山區中山北路三段59號，02-25963141)。歡迎認購！
◎11月29（禮拜）下晝2點王康陸博士紀念基金會kap台獨聯盟台中分部佇台中市東海大學人文大樓茂榜廳有一場「反對承認中國學歷kap中生來台就學」研討會，邀請許世楷、鄭麗君、薛化元、陳茂雄來發表學術論文，歡迎關心ê盟員踴躍參加。
◎年底選舉咱聯盟有4 ê盟員beh參選，分別是宜蘭縣ê賴瑞鼎、澎湖縣ê林長興kap嘉義市ê林瑞霞，屏東縣ê曹啟鴻，會長有寫一章批，請盟員關心。核四公投苦行敬請盟員踴躍參加，行程表請參看人民作主運動網站，聯絡人吳建國電話（02）28615445、0919374354。
沒有留言:
張貼留言