第203期台灣教師聯盟會務通報

請用台語閱讀，ng-bang（希望）每一人會曉講台語，mā會曉讀台文。

◎Lán（咱）ê辦公室已經遷到台北市師大路105巷8號2樓，TEL：02-23657239

◎「思想起台灣2010手札」已經出版，今年特別選擇嘉義228畫家陳澄波ê畫作，而且koh有台灣俗語、台灣主體性紀念日、台灣詩文、彩蝶等等，真值得盟員收藏，拜託大家踊躍助印，請洽辦公室。

◎聯盟送盟員老師一人一本2010年手冊，理監事佮工作人員一人兩本，請老師斟酌（注意）你ê記事本有收tioh無，拜託大家tàu宣傳予親朋好友，助印愈chē就愈俗，折扣辦法請看助印單，若無詳細，請敲電話詢問，感謝！

◎攏總干tan有500本有燙『台灣教師聯盟』金字，有需要ê盟員請佇助印單註明。

◎8月初4秘書長郭燕霖老師為tiõh「水色嘉南」戲齣播出去遊說新眼光電視台kap民視。新眼光電視台節目部經理盧慶雄先生表示新眼光電視台有bat kap華視討論播出計畫，但是華視開ê價siàu siuⁿ kôan（太高），新眼光電視台表示無法度。

◎8月初4 kàu 初7，會長佮慧美、丁妹老師巡迴台灣一周，安排建國列車──溫貴琳校長ê畢業旅行座談會事項。

◎8月11，會長去南投拜訪吳弘昌、廖志德醫師、簡朝日、林長富等盟員，koh去kā玉珍in媽媽捻香。聽講進a兄中風，會長koh參簡慈慧老師作伙去拜訪伊，ka-chài攏恢復ah，請大家放心。

◎8月15、16，tī台南神學院舉辦二二八教育研習營，有30 外人參加，詳細過程請看「二二八研習營ê緣起、過程kap展望」kap「學員心聲」chit二篇文章。

◎8月20，會長chhoā新來ê祕書蕭安順去靜宜參加公督盟ê立委評鑑訓練。監事主席溫貴琳校長代表去台灣國家聯盟開會。

◎8月22 kàu 29會長kap新竹建功高中校長溫貴琳展開9場ê畢業旅行座談會，地點tī台北市、宜蘭、花蓮、台東、屏東、嘉義、南投、桃園kap台北縣，就台灣ê政治、環保、母語、文化等等各方面討論，提供台灣人民發聲ê管道，民間反應熱烈kah冷淡攏有。

◎巡迴座談會ē當完滿舉辦完，感謝顏聖冠服務處、陳定南教育基金會、花連劉曉玫議員服務處、台東南島社區大學、屏東六堆原鄉讀書會、六堆社、嘉義桃山人文館、南投市基督長老教會、桃園市迦南基督長老教會、台北縣新埔國中教師會佮台灣母語教師協會、台灣之友會等友好團体ê協助。

◎8月26，拜訪高雄南社鄭正煜社長，伊真重視母語ê保存kah教學，認真監督台語教學ê落實，利用母語日去學校抽查，成果真好，有咱出席ê盟員靜怡老師作證。